Jovan Vladimiri ose Gjon Vladimiri ishte sundimtari i Dukljes, principatës më të fuqishme serbe të kohës, nga rreth vitit 1000 deri në vitin 1016. Ai sundoi gjatë luftës së zgjatur midis Perandorisë Bizantine dhe Perandorisë Bullgare .Vladimiri u njoh si një sundimtar i devotshëm, i drejtë dhe paqësor.Ai njihet si martir dhe shenjtor, ku festa e tij festohet më 22 maj.Jovan Vladimiri kishte një marrëdhënie të ngushtë me Bizantin, por kjo nuk e shpëtoi Dukljen nga cari ekspansionist Samuel i Bullgarisë , i cili sulmoi Dukljen rreth vitit 997, Gjon Vladimiri u tërhoq në zonat e paarritshme malore në afërsi të Shkodrës.Samueli pushtoi principatën rreth vitit 1010 dhe mori rob Vladimirin.Një kronikë mesjetare pohon se vajza e Samuelit, Theodora Kosara, ra në dashuri me Vladimirin dhe iu lut babait të saj për dorën e tij.Cari lejoi martesën dhe ia ktheu Dukljen Vladimirit, i cili sundoi si vasal i tij.Vladimiri nuk mori pjesë në përpjekjet luftarake të vjehrrit të tij.Lufta arriti kulmin me humbjen e Car Samuelit nga bizantinët në 1014 dhe vdekjen menjëherë pas kësaj.Në vitin 1016, Vladimir ra viktimë e një komploti nga Ivan Vladislav, sundimtari i fundit i Perandorisë së Parë Bullgare.Atij iu pre koka para një kishe në Prespë, kryeqyteti i perandorisë, dhe u varros atje.